Það er sko leikur að læra, alla vega í Heilahristingi :o)!

Í Borgarbókasafni er boðið upp á:
- aðstoð við heimanám í notalegu umhverfi
- stuðning við áframhaldandi nám
- tækifæri til að styrkja sjálfsmyndina
- úrval bóka, kvikmynda, tímarita og tónlistar
- skemmtilegan félagsskap í skapandi umhverfi 

Hvar og hvenær?
Kringlusafni: mánudagar kl. 14.45-16.15
Gerðubergssafn: miðvikudagar kl. 14.30-16.00
aðalsafn: þriðjudaga og fimmtudaga kl. 15.00-16.30.

Heilahristingur er í boði fyrir fyrir nemendur í 5.-10. bekk og nemendur á innflytjendabraut í Fjölbraut í Breiðholti.

Sjálfboðaliðar taka á móti þeim nemendum sem hafa áhuga á að nýta sér aðstoðina í söfnunum. Heimanámsaðstoðin er kölluð Heilahristingur og er áhersla lögð á að virkja nemendurna í námi og að hafa það skemmtilegt saman.

Heilahristingur eða heimanámsaðstoð er eitt af mörgum fjölmenningarlegum verkefnum Borgarbókasafns. Verkefnið felst í að aðstoða börn og unglinga við heimanámið og er að danskri fyrirmynd. Heimanámsaðstoðin er unnin í samvinnu við Reykjavikurdeild Rauða krossins. Verkefnið fékk styrk frá Þróunarsjóði innflytjendamála og frá Menntaráði.

Smellið á fánana hér til hæri til að fá upplýsingar um Heilahristing á ensku, litháísku, pólsku, spænsku og tælensku. Hér má einnig nálgast dreifmiða til útprentunar á þessum sömu tungumálum og íslensku (pdf 0,8mb).

VILTU GERAST SJÁLFBOÐALIÐI? Hafðu samband við Þór Gíslason, verkefnastjóra hjá Reykjavíkurdeild Rauða krossins, s. 8972040 - thorgisla@redcross.is.

Kynntu þér hina dönsku fyrirmynd!